Katitikan ng Pulong

Republic of the Philippines
Department of Education
Region VII – Central Visayas
Schools Division of Mandaue City
SAINT LOUIS COLLEGE – CEBU
School ID: 404585
M.D. Echavez St., Sudlon, Maguikay, Mandaue City, Philippines      Tel No.: (032) 344 5732
Email: slcc.qaao@gmail.com       Website: slccebu.edu.ph

KATITIKAN NG PAGPUPULONG SA GRADUATION BALL S.Y. 2024 – 2025

Ika-6 ng Marso, 2025
8:30 AM – 8:55 AM
Sa 12 – Humility, Saint Louis College Cebu – Fr. Georges De Busschere Building

Pangkat 5

Dumalo:

Tayshaun Augsboug P. Clar                                  - Presiding Officer
Cassandra Alexis S. Mantalaba                            - Kalihim
Dhestiny Reeze P. Lonoy                                       - Tagapagsalita
Bien Emmanuel B. Montebon                                - Tagapagsalita
Carl Jeofrey B. Dignos                                            - Tagapagsalita
Ashley G. Villamor                                                   - Tagapagsalita
Princess Clouie M. Pitogo                                      - Tagapagsalita
Justin James D. Algabre                                         - Miyembro
Elisha Kate F. Nunez                                              - Miyembro

Panukalang Adyenda:

1.    Tema ng mga Susuotin at Dress Code

2.    Lugar ng Pagdarausan ng Graduation Ball

3.    Mga Parangal at Gantimpala na Ipapamahagi sa mga Estudyante

4.    Mga Pagkain at Inumin na Ihahanda

5.    Afterparty na magaganap pagkatapos ng Graduation Ball

 

I.             Pagsisimula ng Pulong

Ang pagpupulong ay opisyal na ginanap noong Marso 6, 2025, mula ika-8:30 hanggang ika-8:55 ng umaga. Nagsimula ito sa isang taimtim na panalangin na pinangunahan ng presiding officer na si Tayshaun Clar, na humiling ng gabay upang maging maayos, matagumpay, at mapayapa ang pagpupulong. Matapos ang panalangin, isinagawa ng kalihim na si Cassandra Mantalaba ang roll-call upang matukoy ang mga dumalo at hindi nakadalo. Sa pamamagitan nito, napag-alamang kumpleto ang lahat ng miyembro at tagapagsalita sa nasabing pagpupulong. Kasunod nito, ipinahayag ng kalihim ang mga paksang tatalakayin upang mabigyan ng sapat na paghahanda ang bawat isa at opisyal na buksan ang pagpupulong.

II.            Mga Napagkasunduan na Pumapatungkol sa mga Panukalang Adyenda

·         Sa pangunguna ni Dhestiny Lonoy, napagdesisyunan sa nakaraang pagpupulong na ang opisyal na tema ng kasuotan at ng mismong Graduation Ball ay kumukuha ng inspirasyon mula sa teleseryeng Encantadia. Kaugnay nito, itinakda ang mga kulay na maaaring gamitin sa kasuotan sa mga pagpipilian sa pula, asul, berde, kayumanggi, at puti na sumisimbolo sa mga diyamante sa Encantadia. Hinikayat ang mga mag-aaral na pumili ng kasuotang elegante at bongga, ngunit maaari ring simple basta ito ay sumusunod sa itinakdang kulay. Upang mapanatili ang pagiging praktikal, nilimitahan ang gastos sa kasuotan sa halagang PHP 10,000. Bilang isang mahalagang bahagi ng high school journey ng bawat Lousian, pinaalalahanan ang lahat na gawing espesyal ang gabing ito sa pamamagitan ng kanilang mga kasuotan upang sulitin ang pagkakataon upang lumikha ng masasayang alaala at magsaya sa okasyon. Upang mapanatili ang pormalidad ng Graduation Ball, itinakda ang dress code na mahigpit na ipatutupad. Mahigpit na ipinagbabawal ang pagsusuot ng mga damit na labis na naglalantad ng balat para sa parehong lalaki at babae. Sa mga lalaki, kinakailangang magkaroon ng maayos at pormal na gupit na naaangkop sa okasyon. Ipinagbabawal din ang mga tattoo, pagsusuot ng hikaw, at pagdadala ng anumang hindi angkop na gamit. Para naman sa mga babae, inirerekomenda ang hindi labis na makapal na make-up, at ipinagbabawal ang pagpapakulay ng buhok.

·         Sa pangunguna ng tagapagsalita ng grupo na si Bien Montebon, napagkasunduan sa nakaraang pagpupulong na ang Graduation Ball ay gaganapin sa Bai Hotel, katulad ng JS Prom at mga nakaraang Grad Ball. Ang desisyong ito ay batay sa matibay na koneksyon ng paaralan sa nasabing establisyemento, na nagbigay ng tiwala at kasiguruhan sa kalidad ng serbisyo at pasilidad nito. Upang matiyak ang pagiging engrande ng pagdiriwang, hindi lalagpas sa PHP 50,000 ang inilaang budget para sa renta, dekorasyon, at iba pang gastusin. Dahil sa temang Encantadia, ang lugar ay gagawing kahawig ng isang majestikong kaharian, kung saan ang bawat sulok ay magbibigay ng mala-pantasyang tingin sa pamamagitan sa inspirasyon ng mga palasyo ng Lireo, Hathoria, Sapiro, at Adamya. SA pagpasok sa venue ay ididisenyo upang magbigay ng “royal red carpet” na karanasan. Mayroon ding photo booths na may temang Encantadia upang magkaroon ng magagandang alaala ang mga estudyante. Sa loob ng ballroom, ang mga upuan at mesa ay maingat na aayusin upang mapanatili ang pormal at eleganteng anyo ng okasyon, habang ang entablado ay gagamitin sa mga pagtatanghal. Sa pangkalahatan, layunin ng grupo na gawing hindi malilimutan ang Graduation Ball S.Y. 2024-2025 sa pamamagitan ng maayos na pagpaplano, detalyadong disenyo, at isang magarbong selebrasyon na magbibigay ng engrandeng pagtatapos sa high school journey ng bawat estudyante.

·         Sa pangunguna ng tagapagsalita ng grupo na si Carl Dignos, napagdesisyunan sa nakaraang pagpupulong ang opisyal na listahan ng mga parangal na ipapamahagi sa darating na Graduation Ball. Ang mga sumusunod na kategorya ay itinakda upang bigyang-pagkilala ang mga mag-aaral na nagpakita ng kahusayan at pagkamalikhain sa kanilang kasuotan at pagdadala ng sarili sa nasabing okasyon:

v  Pinakamagandang Kasuotan (Lalaki at Babae) – Para sa mga estudyanteng may pinaka-kahanga-hangang kasuotan na naaayon sa tema.

v  Best Pair – Para sa magkapares na nagpakita ng pinakamahusay na pagkakabagay ng kanilang kasuotan at kabuuang presensya.

v  Grad Ball King & Queen – Ang pinakamataas na parangal na ibibigay sa dalawang estudyanteng namumukod-tangi sa buong gabi.

v  Most Elegant Look – Para sa estudyanteng may pinaka-elegante at kaaya-ayang istilo.

v  Runway Queen & King – Para sa mga estudyanteng nagpakita ng pinakamatikas at pinakamaayos na pagdadala ng sarili sa entablado.

v  Celebrity Look of the Night (Lalaki at Babae) – Para sa mga estudyanteng may kasuotan at kabuuang anyo na kahawig ng mga tanyag na personalidad.

Ang lahat ng parangal ay igagawad sa pamamagitan ng isang engrandeng seremonya at ipapamahagi sa anyo ng mga sumusunod na premyo; isang espesyal na plaque na may disenyo ng ginto o may bahaging gawa sa ginto, isang korona para sa Grad Ball King at Queen, isang sintas na magsisilbing tanda ng kanilang parangal, at isang palumpon ng bulaklak para sa mga babaeng pararangalan. Upang matiyak ang mataas na kalidad ng mga premyo, inilaan ang isang badyet na PHP 10,000 para sa paggawa at disenyo ng mga ito. Mahigpit ding ipapatupad na ang mga nagwagi ay dapat may kasuotan na naaayon sa temang Encantadia, na sumasalamin sa kagandahan, dignidad, at kaharian ng mga diwata. Bukod sa mga nasabing parangal, napagkasunduan din na magkaroon ng isang espesyal na pagboto mula sa mga dumalo upang mabigyan ng pagkakataon ang lahat na makilahok sa pagpili ng ilan sa mga tatanghaling nagwagi. Magkakaroon ng mga hurado na binubuo ng mga guro at piling panauhin upang masiguro ang patas at makatarungang pagpili ng mga mananalo.

·         Sa pangunguna ng tagapagsalita ng grupo na si Ashley Villamor, napagkasunduan sa nakaraang pagpupulong ang opisyal na plano para sa pagkain at inumin na ihahanda sa Graduation Ball. Upang maging mas makabuluhan at naaayon sa temang Encantadia, ang mga dadalo ay uupo sa kani-kanilang nakatalagang mesa, na ipapangalan sa apat na palasyo ng Encantadia, at ito ay ang Lireo, Hathoria, Sapiro, at Andamya, upang maramdaman ang pagiging bahagi ng isang mahiwagang kaharian. Ang pangunahing pagkaing ihahain ay binubuo ng iba’t ibang putahe mula sa iba’t ibang bansa upang magkaroon ng malawak na pagpipilian ang mga dumalo. Kasama rito ang mga sikat na putaheng Japanese tulad ng sushi, tempura, at ramen, pati na rin ang mga Italian na putahe gaya ng pasta, pizza, at bruschetta. Mayroon ding Mexican-inspired dishes tulad ng tacos, nachos, at burritos, habang ang Thai cuisine naman ay magpapakita ng kilalang Pad Thai, Tom Yum soup, at mango sticky rice. Hindi rin mawawala ang mga paboritong pagkaing Pinoy, kabilang ang lechon, kare-kare, at pancit canton, bilang pagpapakita ng ating lokal na kultura sa engrandeng pagtitipon. Bukod sa main course, bibida rin sa pagsasalo ang mga inuming may lokal na panlasa mula sa Pilipinas, pati na rin ang mga pampalamig mula sa Thailand. Mayroon ding Italian sides tulad ng garlic bread at Caprese salad, at bilang panghimagas, ipapakita ang iba't ibang Japanese desserts gaya ng mochi at matcha-flavored treats. Dahil sa temang Encantadia, tampok sa hapunan ang espesyal na paneya, mga natatanging pagkain na hinulma batay sa apat na sandata ng mga Sang’gre. Ang bawat paneya ay may kakaibang disenyo at lasa, na magbibigay ng karagdagang kasiyahan at sorpresa sa mga dumalo. Upang matiyak ang kasapatan at kalidad ng mga ihahanda, itinakda ang kabuuang budget para sa pagkain at inumin na hindi lalampas sa ₱75,000. Sa ganitong paraan, masisigurong sapat, masustansya, at de-kalidad ang mga ihahaing pagkain habang pinananatili ang pagiging engrande at espesyal ng selebrasyon.

·         Sa pangunguna ng tagapagsalita ng grupo na si Clouie Pitogo, napagkasunduan sa nakaraang pagpupulong ang mga detalye para sa afterparty na magaganap pagkatapos ng Graduation Ball. Ang event na ito ay idaraos sa pampublikon espasyo at pool area ng Bai Hotel, isang eksklusibong pagtitipon na may layuning bigyan ng isang di-malilimutang gabi ang lahat ng dadalo. Napagdesisyunan na ang pangunahing atraksiyon sa afterparty ay isang “foam party”, kung saan ang mga dumalo ay magsasayahan sa ilalim ng makapal na bula habang tinatangkilik ang malalakas na musika mula sa isang live DJ. Ang buong lugar ay paliliwanagin ng makukulay na ilaw upang lumikha ng isang makulay na kapaligiran. Para sa karagdagang kasiyahan, magkakaroon din ng fireworks display sa kalagitnaan ng event bilang simbolo ng pagtatapos ng senior high school journey ng mga estudyante. Upang mapanatili ang seguridad, magkakaroon ng nakatalagang event marshals upang matiyak ang kaayusan at kaligtasan ng lahat ng estudyante. Upang mapanatili ang disiplina sa okasyon, mahigpit na ipagbabawal ang alak at iba pang ipinagbabawal na substansiya. Itinakda ang kabuuang budget para sa afterparty sa ₱50,000, na sasakupin ang venue rental, event setup, professional sound system, lighting effects, DJ fee, foam machine, party props, at iba pang kagamitan na kinakailangan upang gawing mas di-malilimutang karanasan ang pagtitipon. Napagkasunduan ding simulan agad ang pag-aayos ng booking at iba pang preparasyon upang tiyakin ang maayos na daloy ng okasyon.

 

III.          Iba pang Pinag-usapan

Tinalakay ng aming pangkat ang pagpaplano at pakikipag-ugnayan sa Bai Hotel upang maisakatuparan ang lahat ng napagkasunduang plano para sa Graduation Ball. Napagdesisyunan na kinakailangang makipagpulong ng aming paaralan sa pamunuan ng hotel upang kumpirmahin ang lahat na kinakailangan. Dagdag pa rito, pinag-usapan din ang posibleng dagdag na bayarin kung sakaling lumampas sa itinakdang budget, kaya't iminungkahi ang paghahanap ng sponsorship mula sa alumni o ibang posibleng tagasuporta. Napag-alaman na ang kabuuang inaasahang gastusin ay aabot sa PHP 185,000, kung saan ang kontribusyon ng bawat estudyante ay hindi lalagpas sa PHP 1,000, habang ang natitirang halaga ay sasagutin ng paaralan at iba pang posibleng sponsor. Upang matiyak ang maayos na pagpopondo, itinakda ng aming pangkat na kinakailangang magtalaga ng isang komite na mangangasiwa sa pangangalap at paghawak ng pondo para sa okasyon.

 

IV.          Mga Nagtaas ng Mosyon at Sumusog

Ø  Tema ng mga Susuotin at Dress Code
Nagtaas ng Mosyon: Dhestiny Lonoy
Sumusog:
1. Tayshaun Augsboug P. Clar
2. Cassandra Alexis S. Mantalaba
3. Bien Emmanuel B. Montebon
4. Carl Jeofrey B. Dignos
5. Ashley G. Villamor
6. Princess Clouie M. Pitogo
7. Justin James D. Algabre
8. Elisha Kate F. Nunez

Ø  Lugar ng Pagdarausan ng Graduation Ball
Nagtaas ng Mosyon: Bien Montebon
Sumusog:
1. Tayshaun Augsboug P. Clar
2. Cassandra Alexis S. Mantalaba
3. Dhestiny Reeze P. Lonoy
4. Carl Jeofrey B. Dignos
5. Ashley G. Villamor
6. Princess Clouie M. Pitogo
7. Justin James D. Algabre
8. Elisha Kate F. Nunez

Ø  Mga Parangal at Gantimpala na Ipapamahagi sa mga Estudyante
Nagtaas ng Mosyon: Carl Dignos
Sumusog:
1. Tayshaun Augsboug P. Clar
2. Cassandra Alexis S. Mantalaba
3. Dhestiny Reeze P. Lonoy
4. Bien Emmanuel B. Montebon
5. Ashley G. Villamor
6. Princess Clouie M. Pitogo
7. Justin James D. Algabre
8. Elisha Kate F. Nunez

Ø  Mga Pagkain at Inumin na Ihahanda
Nagtaas ng Mosyon: Ashley Villamor
Sumusog:
1. Tayshaun Augsboug P. Clar
2. Cassandra Alexis S. Mantalaba
3. Dhestiny Reeze P. Lonoy
4. Bien Emmanuel B. Montebon
5. Carl Jeofrey B. Dignos
6. Princess Clouie M. Pitogo
7. Justin James D. Algabre
8. Elisha Kate F. Nunez

Ø  Afterparty na magaganap pagkatapos ng Graduation Ball
Nagtaas ng Mosyon: Clouie Pitogo
Sumusog:
1. Tayshaun Augsboug P. Clar
2. Cassandra Alexis S. Mantalaba
3. Dhestiny Reeze P. Lonoy
4. Bien Emmanuel B. Montebon
5. Carl Jeofrey B. Dignos
6. Ashely G. Villamor
7. Justin James D. Algabre
8. Elisha Kate F. Nunez

 

V.           Iskedyul ng Susunod na Pulong

Napagpasyahan na wala nang susunod na pagpupulong para sa aming pangkat sapagkat matagumpay naming natalakay at napagkasunduan ang lahat ng mahahalagang aspeto ng Graduation Ball. Lahat ng plano, mula sa tema, lugar, pagkain, parangal, dress code, at afterparty, ay naisaayos na at mayroon nang konkretong hakbang para sa pagpapatupad nito. Gayunpaman, patuloy ang bukas na komunikasyon sa aming pangkat sa pamamagitan ng isang group chat upang matiyak ang maayos na pagkakaisa ng aming mga ideya sa lahat ng napag-usapan.

 

VI.          Pagtatapos ng Pulong

Matapos ang masinsinang talakayan at maayos na pagpaplano para sa paparating na Graduation Ball, nagtapos ang pagpupulong sa isang panalangin na pinamunuan ni Cassandra Mantalaba bilang pagpapasalamat sa matagumpay at maayos na daloy ng pagpupulong. Sa buong proseso, tiniyak ng kalihim na lahat ng napagkasunduan ay maingat na naisulat upang magsilbing gabay sa susunod na mga hakbang patungo sa implementasyon ng aming mga plano. Bago tuluyang matapos, binigyan ng pagkakataon ang bawat miyembro na magbigay ng kanilang huling mungkahi at pagsang-ayon sa lahat ng napagkasunduan. Sa pagtatapos, pormal na idineklara ng aming presiding officer na si Tayshaun Clar ang salitang "adjourn," hudyat ng opisyal na pagtatapos ng aming pangkatang pagpupulong.

 

Inihanda nina:

 

Tayshaun Augsboug P. Clar                                       Cassandra Alexis S. Mantalaba           
       Opisyal na taga-pamahala                                                                                Kalihim

 

Dhestiny Reeze P. Lonoy                                            Bien Emmanuel B. Montebon    
            Tagapagsalita                                                                                         Tagapagsalita

  

Carl Jeofrey B. Dignos                                               Ashley G. Villamor
            Tagapagsalita                                                                             Tagapagsalita        

 

Princess Clouie M. Pitogo                                         Justin James D. Algabre
          Tagapagsalita                                                                                     Miyembro

Elisha Kate F. Nunez
          Miyembro

Nagpatotoo:

 

Tayshaun Augsboug P. Clar
       Opisyal na taga-pamahala                                                                                 

 

Inaprubahan ni:

Gng. Lea Nina L. Garrote
             Guro sa APP4